کند خبرنگارو

بیر ایاق گل کی گدگ بیرده اوشاقلوق یادونا
کوللاموش تنیر اوتوننا آق چغندر دادونا

ییخک اورتوکلری اوده فاطما سولطان باشونا
دوزو حوببان بوشاداگ قابلاماسوندا آشونا

خالونو سیرکلییک توز توتا قوشدیل آقاجو
مجمه ده پایلویا آش هر اووچو ملهه باجو

اتوراک دستارا هی قیسیمینن بوقدا توکک
توولویاک دستارویو بوقدایونان یارما چکک

یادوخیراولسو بیزیم کنده بویوگ چای وارودو
بعض یری آلچاق اوجا بعض یری گنگو دارودو

کوچلردن کی گچردی گونوموز چوخ خوشودو
دولتینن چوللوموز تورباقودا بوب بوشودو

سویوچوخ ایشملی بوم بوز همشه زوبه زلال
نه دییم من آنانوی امدیگی سوتدننه حالال

کنده بیرکس وارودو عینی گزاریش گریدی
عینی گیزلین پلیسو بیرناخالای  افسریدی

هامو آغشام دایاناردو کهنه مسجید دامونونا
هادو یوللاردو بیرین دادلو شابان بی دالونا

تا گلردین اورا  مسلیم بالاسو دادلو شابان
سوروشاردوک کی خبرور بیزه ای قیللی قابان

اودا باشلاردو دییردی بیزه کندیی خبرین
کی بوگوننه نجیبه قودو گنه اودن اَرین

تاقالان آددو چوپان سینی قارا توخلو قیچی
گونوی آلوندا یال اوسته بالادان چیخدی گچی

ناخورو سالدو یولا سوردو چوپان کند ایچینه
قاراقوچ کوفلو شیپیردی باراتوی سول قیچینه

اله قیشقیردی بارات قیسیر اینک دوشدو تووا
سوپانو مینی نجف ووردو نیه سالدو قووا

توزاناخ قویمادو حیدر بو گجه بوقدا دویه
حیرصدن آمما بیناوا دونیانو آز قالدو سوویه

ارته آخدو ایاقو کلبه صفر دوشدو گوله
بالا صفدر گجیکیدی آججا قالموشدو  اوله

ماجبین قارقوش الیردی دایوسو اوستعلیه
که او یالواردو ننه م وردی منی حمزعلیه

مولکعلی دینگه ده دورموشدو باخوردو اوزاقا
تولکونو  مصمه باجو سالدو یال اوسته دوزاقا

رازعلی چیخدی آقاجدان گتیره قارقا بالا
کلبعلی آرپانو  وردی یرینه  بوقدا  آلا

محترم دیزه نی اوقلو مسجیدی قفلون آچوب
بیرآلام پول گوتوروب ارتلی کندن نه قاچوب

خبریم یوخدو کریمنن کی نمولدو ایاقو
آما ارته یولادوشدو قوما آرواد اوشاقو

حمزه نی آروادو کوسموشدو گدیردی قالایا
عمیسی داننادوکی رحم اله دورد ات بالایا

بش نفر گددیله تنیر سالالا گولزارو چو
ماجبین چرچیننی قوودو بیجه دس پالتاروچو

بوگون آغشام چاقونیچه بو خبرلر وارودو
قالموشوینا حالو تا ایننه چک باب بارو دو

ایکی گوندچوخ نوخوشویدوم آما هساد یمدیم
اه باخا بسکی تلسیدیم بونو آزدوم دمدیم

کمیته گلدی بوگون احمد بیتول اوونه
ویدیو تاپدو اووننن دوز آپاردو اوینه

حاجو سیف اللانو اششگ جدادا ووردو یره
هاشوموی اورتا قیزین وردیله کورنگنه اره

قاچدو خدمتدن و گلدی رحیمی اوغلو دونن
کراوات اولدو گنه عبدولوچو یککه شوون

ددی عمی جیرانوما ملابداق اوقلوسلیم
قیزیی آغزون قوخولا میثمیمه الچی گلیم

داهو بوقچامنا توکنی نمه کی سوز واردو
بوخبرلرده خدا بیلسی کی سیزدن سارودو

مننکی گوننکی تک چوخ بوگون آغروردو بلیم
بوراچین قالسو گدیم  ینگی خبر اولدو گلیم

#یوسف_محقق