ننه

گونلری بیرگونو گددیم یولوخام بیر ننه مه

منی تاگوردو ننم گلدی یاپوشدو سینه مه

گوزیاشوننان بیلینیردی داروخوب اولادونا

نیه بیز گدممیشیگ بلکه چاتاک تزدادونا

نچه وقتیر ننه می آغرو دوشوبدو دیزینه

تکدیو گوزلری یولدا دورد اوغل دورد قیزنه

ددیم آننه بو گجه آل باشومو دیزلریه

بیرنقیل ده بیلمه قوربان اولوم گوزلریه

چولمگی گودودو ننم توکدو یرآلما نخودو

ددی اوقلوم قولاق آس بیرواردو بیریوخدو

او زمانلاردا کی اوقلوم اینی تک پول یوخودو

یرینه مهر و محبت قادای آللام چوخودو

ننه قالمازدو منیم تک قالا یوللاردا گوزو

دورون اولادی آلاردو یره دوشمزدی سوزو

اینی تک قالموشامو هراوشاقوم بیرگوشده

گوزلریم یولدا قالوب گوننه بالام دیبکوشده

بالاجان بیر قوجانوی وار هوسی وار اورگی

بیر اشاق تک ، قوجانوی واردو محبت گرگی

من کی اوللم ننه جان سیزده قوجالویز بیجه گون

سیزه آرزوم بودوکی گورمو سیزلر بله گون

دنیادان اولسا بوجور واللاه توخام من ننه جان

بیجه گون گللی یو گورری کی یوخام من ننه جان

اروجوم توتموشامو یوخدو قضا هچ نامازوم

مهر تربت ده واروم اولسا کفن نی نیازوم

بیر کلید قونشویا ور وورسولا باش گوننه منه

بیروق اولدوم خبریم ورسیله تزلیگجه سنه

بو سوزو تز ددی یو یومنو ننم گوزلرینی

عمرو باش اولدو باشوم گورمدی هچ دیزلرینی

ننم اولدو اوگجه دونیا دولاندو باشوما

قالدو گوز یولدا گنه دورد باجو اوچ قارداشما

#یوسف_محقق