تا که مهلت وار آنانیی قدرینی تزدن بیلیی
اللرینن هی اوپوی گوزیاشیسین هردَن سیلیی
هرگجه قالدی اویاخ هچ یاتمادی تاسن یاتای
چوخ چکیب زحمت بو قَددو قامَتَه ایندی چاتای
گوزلرین سالما یولا تِز گِد یِتیش سَن یانینه
نجه کی عمروی وار اُول قوربان همیشه جانینه
آللاها آند اولسوکی هر اِودَه بَرکَتدیر ننه
هَر نَه تکرار اِی لَسم آللاه بیلیر آزدیر گنه
تاکی وار دورون دُولان هچکیم سنه اولماز ننه
احترامین ساخلاسن وَاللاه که تاپولماز ننه
#یوسف_محقق_مهراب
#شاعر_ترانه_سرا
عاشقانه های مهراب
https://telegram.me/joinchat/BHcGtTu-ivWx3Iug4o7zKQ
برچسب : نویسنده : 2yosefmohaghegh5 بازدید : 180